Балабақша ақысы қымбаттауы мүмкін

Сәуір айының алғашқы күндерінде Екібастұз қала­сының балабақшала­рында ас мәзірі жаңа санитарлық ережелер мен нормаларға сәйкес қайта құрылды. Қалалық білім беру бөлімінің мектепке дейінгі тәрбие жөніндегі бас маманы Нұржамал Мақұмованың айтуынша, жаңартылған тамақ рационында ет пен көкөністің, жемістер мен сүт өнімдерінің көлемі артқан.
Бұдан былай балабақша тәрбиеле­нушілері бұрынғыдай бір рет емес, күніне екі мәрте – түскі аста да, кешкі аста да ет немесе балық қосылған тамақ жейтін болады. Ет пен балықтың ас мәзіріндегі мөлшері орта есеппен 20-30 грамға артып отыр.
Сонымен қатар жаңа ас мәзірінде көкө­ніс пен жеміс көлемі 50-80 грамға ұлғай­тыл­са, ірімшік пен қаймақ мөлшері ай­тар­лықтай артып отыр. Балаларды та­­­мақ­­­тан­дыруға жұмсалатын шығын көлемі артқанымен, әзірге балабақша ақысы бұрынғыша 7500 теңге көлемінде қалып отыр. Осыны ескерген жергілікті билік жуық арада балабақшаға қатысты жаңа баға бекітуді де жоспарлап отырған тәрізді.
«Жаңа нормалар бойынша белгіленетін бағаның қаншаға өсетіні белгісіз. Әйтсе де біз алдын ала есеп-қисап жасап жатырмыз. Балабақша ақысын көтеру туралы шешімді облыс әкімі  қарастырып, бекітеді», – дейді Нұржамал Мақұмова.