Артықбаевты қырғыздар ұстады

Іздеу жарияланған Алматы облысы кедендік бақылау департаментінің бастығы Құрманбек Артықбаев Бішкектен ұсталды. Бұл туралы ақпарат­ты кеше ҚазТАГ агенттігі Қырғызстан қаржы поли­ция­сының баспасөз қызметіне сілтеме жасай отырып таратты.
Агенттіктің мәліметінше, Қ.Артықбаевты Қырғыз­стан қаржы полицейлері бейсенбі күні ұстады. «Қазіргі уа­қытта ол қаржы полициясының абақтысында жатыр. Сен­бі күні қазақстандық әріптестеріміз Бішкекке ке­леді», – деген агенттікке берген пікірлерінде аталған ве­домст­во өкілдері. Сондай-ақ қырғыз полицейлері Қ.Арт­ықбаев Қазақстанға экстрадициялау мәселесі ше­шілмейінше, Бішкекте қамауда бір ай болатынын айт­ты. Бұған дейін хабарланғандай, 6 мамырда Пре­мь­ер-министр Кәрім Мәсімов Кедендік бақылау коми­те­тінің төрағасы Қозы-Көрпеш Кәрібозовты қызметінен бо­са­тып, оның орнына ІІМ экс-басшысы Серік Байма­ғам­бетовті тағайындады.Басшылықтың ауысуына Эко­номикалық қылмыспен және сыбайлас жемқорлық­пен күрес жөніндегі агенттіктің Алматы облысының ке­ден бекеттерінде әрекет еткен ұйымдасқан қыл­мыс­тық топты (ҰҚТ) анықтауы себеп болды. Қаржы поли­ция­сы арнайы шараны «Қорғас», «Қалжат» бекетте­рін­де, «Алатау» кедендік рәсімдеу орталығында жүр­гіз­ді. Қызметтік кеңселерде тінту жүргізу барысында құ­жат­тар мен мұрағат тәркіленді. Кейін қаржы поли­ция­сы қылмыстық топтың қызметін тоқтатқанын ха­бар­лады.Қаржы полициясының ақпараты бойынша, ҰҚТ қызметіне қылмыстық құрылымдардың өкілде­рі­мен бірге, құқық қорғау органдарының лауазымды тұлғаларының да қатысы болған, олар заңсыз сыйақы үшін топқа қамқорлық көрсеткен. Сот ҰҚТ 16 мүшесін қамауға алуға санкция берді. Қамауға алын­ған­дардың ішінде «Қорғас» кеден бекетінің бастығы Ба­қытжан Айдаров, Ақмола облысы бойынша ҰҚК де­пар­таменті бастығының орынбасары Бақытбек Құр­ман­әлиев бар. Сондай-ақ Алматы облысы бойынша КБД бастығы Құрманбек Артықбаевты да қамауға алу­ға санкция берілді, оған іздеу жарияланған болатын.

Қанат КОЧОБАЕВ, Қырғызстан қаржы полициясының баспасөз хатшысы:
– Артықбаевты 11 мамырда Қырғызстан қаржы по­ли­циясы ұстады. Ол қазір Бішкектің ҚІІБ абақтысына жат­қызылды. Бішкектің Первомай соты оның қа­мау­ға алынуына санкция берді. Тергеу абақтысында ол Қазақстанға экстрадиция мәселесі шешілгенше бір ай жатады.