Армениядан келген автомобильдерге екі рет салық салына ма?
Қазақстан аумағына ел азаматтары әкелген автомобильдер бүгінгі күнге дейін Арменияның уәкілетті органдарында тіркеу есебінен шығарылмағандықтан, екі мемлекет те осындай көлік құралдарына салық салуға үміткер бола алатын.
«Келіссөздер нәтижесінде Армениядан 2020 жылдың 1 ақпанына дейін әкелінген, меншік құқығы бойынша ҚР резиденттеріне тиесілі автомобильдерге конвенцияның 21-бабы 4-тармағының ережелеріне сәйкес ҚР Ішкі істер органдарында тіркеу есебіне қойылған сәттен бастап ұлттық заңнамаға сәйкес ҚР-да ғана салық салынуға жатады деген уағдаластыққа қол жеткізілді», - деп хабарланды Мемлекеттік кірістер комитетінің баспасөз қызметінен.
ҚР Салық кодексінің нормаларына сәйкес көлік салығын төлеу міндеті көлік құралын Қазақстанның мемлекеттік органдарында есепке қойған кезден бастап туындайды.
