Алматы облысында терісі бағалы 9 мың аңды өлтірген: полиция қылмыстық іс қозғады
Алматы облысы Бақанас ауылында ондатрдың 9 мың терісі тәркіленді, деп хабарлады облыстық полиция департаментінің баспасөз қызметі.
Ондатр – кеміргіштер тобына жататын терісі бағалы аң. Аң жылына 2-3 рет көбейіп, 25-30-ға дейін ұрпақ береді.
Тәртіп сақшылары браконерьдің Mercedes Benz микроавтобусынан 9 мыңға жуық аң терісін тапты. Аң терісі үлкен сөмкелерге салынған. Ұсталған ер адамда аң аулауға рұқсат берілгені туралы құжаттар болмаған. Ол аң терісін қайта сату мақсатында белгісіз біреуден 4 миллион теңгеден астам сомаға сатып алғанын айтты.
Қылмыстық кодекстің 337-бабы 4-бөлігі 4-тармағы (ірі залал келтіре отырып заңсыз аң аулау) бойынша іс қозғалды.
Ведомство мемлекетке келтірілген шығын сомасын есептеп жатыр.
Әрі қарай оқу: https://sputnik.kz/regions/20210416/16815259/Almaty-oblysy-teri.html
