«Альянс банк» акциясы енді 700 теңге тұрады

Дүйсенбі күні Қазақстан қор биржасында «Альянс банк»  жай акциялары  30 пайызға арзандап, сауда тоқтатылды. Бастапқыда 1000 теңгеден сатылып жатқан құнды қағаз 700 теңгеге дейін түсіп кетті. Қаржылық  қадағалау агенттігі талабына сәйкес, акция құны алдыңғы мәмілемен салыстырғанда 30 пайызға төмендеп  кетсе, сауда тоқтатылатыны белгілі.

Руслан Дзюбайло, Қазақстан қор биржасы талдау бөлімінің бастығы:
Мамырда «Альянс банк» жай ак­ция­­ларының 30 пайызға арзандап ке­туі   трей­­дердің техникалық қателігі не­ме­се KASE сауда жүйесіндегі ағаттық ке­сі­рінен болды деуге келмейді. Сондай-ақ бұл банктің қаржылық жағдайын ба­ғам­­­даған инвесторлардың шешімі де­уіміз­ге де объективті негіз жоқ. Бұл құн­­ды қағаздардың өтімділігі нашар, ба­ғасы біртіндеп түсе береді, яғни ин­вес­торлардың қызығушылығы азайды деуге бо­­лады. 4 мамыр күні «Альянс банк» ак­ция­­ла­рына қатысты  екі мәміле ғана бе­кі­тіл­ді.
Борыш иелері «Альянс банкке» мұрсат берді
Кредиторлармен ұзақ келіссөз жүр­гізген «Альянс банк»  борышты қай­та­ру шарттарын өзгерту және банк ка­пи­­­та­ли­за­ция­сын арттыру жөніндегі ке­ліс­­сөз­­дер­ді жүргізетін  Үйлестіруші ке­ңес­тің құ­­рыл­ғанын хабарлады.   Ал­пыс­тан астам бо­рыш иесінің мүддесін же­ті халықаралық банк қорғайтын бо­ла­ды. Банктің жалпы сырт­қы қарызы  –  3,9 миллиард доллар, биыл мұның 500 мил­лио­ны төленуі керек. Қар­жы ұйымы 19 нау­рызда  кесте бойынша  66 миллион дол­ларды төлей алмай, тех­ни­ка­лық де­фолт жіберді.  Борышты қайтару мер­зі­мін ұзартуға келіскен кре­ди­торлар банк қ­а­рауындағы қайта баға­ла­нып жатқан ак­тив­тер туралы, осы мәміле ту­ралы толық ақ­па­рат беруді талап етті. Бұ­дан бұрын банк таратқан баспасөз мә­лім­демесінде  «2005-2008 жылдары бір­қатар қаржы опе­рацияларына кепіл бол­ғанбыз. Кепілге 1,1 миллиард доллар ша­ма­сын­дағы АҚШ қа­зы­нашылық обли­га­циялары қойылған. Осы активтер ар­зан­дауға қарай қайта ба­ға­­ла­нады» деп бұ­лыңғырлау мәлімет та­рат­қан еді.
Қаржылық қадағалау агенттігі  банкке сыртқы қарызды қайтарудың жаңа ере­же­сі  мен капитализациясын арттыруға бай­ланысты жоспарын көрсетуге үш ай мерзім бер­ді. Бұл уақыт 9 шілдеде түгесіледі. Кре­диторлармен келесі кездесу  мамыр айы­ның соңына белгіленген.