«Абыралы-Дегелең» қоғамдық қоры құрылды

Үстіміздегі жылы бүкіл дүниежүзін дүр сілкіндірген Семей ядролық сынақ полигонында алғашқы сынақ өткізілгеніне – 29 тамызда 60 жыл, ал «Невада-Семей» қозғалысының құрылғанына 20 жыл толып отыр. Семей сынақ полигоны дегенмен, бүкіл Абыралы өңірін қайғы-қасіретке орап, өшпес жара салған Кеңес Одағының сынақ алаңындағы халықтың қазіргі жай-күйі мәз емес.
Сол себепті Семей қаласында үсті­міздегі жылдың сәуір айының 7-сі күні «Абы­ралы-Дегелең» қоғамдық қоры Се­мей қаласының әділет басқармасынан заңды тұлға ретінде тіркеуден өтті.
Қордың негізгі мақсаты – Семей қа­ласы Абыралы өңірі тұрғындарының әлеу­меттік-тұрмыстық жағдайын жақсарту, олар­ды сапалы медициналық көмек түр­лерімен қамтамасыз ету үшін жағымды жағдайлар жасау, сондай-ақ Абыралы елінің құқықтық, экономикалық, әлеу­меттік, мәдени-сауықтыру, экологиялық мә­селелерін шешуге қолғабыс ету және де тұрғындардың өз мәселелерін өздері шешуі үшін ақпараттық, ағартушылық, ме­дициналық, әлеуметтік, қайырым­ды­лық және бәсекелестікке қабілеттілігі қолайлы ауылшаруашылық өнімдерін көтеру, ақыл-кеңес беру бағдарламаларын іске асыру.