Алматы-Қонаев тасжолында патруль көлігі жол апатына түскен сәт видеоға түсіп қалған, - деп хабарлайды Alashainasy.kz тілшісі Tengrinews.kz-ке сілтеме жасап.
Кадрларда патрульдік көлік оң жақ қатарға ауысып, жол жиегінде тоқтаған. Осы уақытта артқы жағынан көлік соғылады. Жол-көлік оқиғасы жеңіл көліктің камерасына түсіп қалған.
Алматы облысы Полиция департаментінің баспасөз қызметі жол апаты туралы мәлімет берді.
"Аталған жол апаты биыл 26 шілдеде Алматы-Өскемен автожолында сағат 14:00 шамасында болған. Мәліметтер бойынша, "Субару" автокөлігінің жүргізушісі арақашықтықты сақтамай, "Хундай" маркалы автокөлікпен соқтығысқан. Жол апаты салдарынан көлікке механикалық зақым келген. Жүргізушілер мен жолаушылар арасында зардап шеккендер жоқ", - деп хабарлады облыстық Полиция департаменті.
Дерек бойынша кінәлі жүргізушіге қатысты ҚР ӘҚБтК-ның 610-бабы бойынша әкімшілік хаттама жасалды.
"Қазір ЖКО-ның барлық мән-жайын толық, объектив және жан-жақты зерттеу үшін барлық қажетті сараптама тағайындалды", - деді полиция өкілдері.
Соңғы сағатта көп оқылған жаңалықтар осында Massaget.kz