Сыраға деген құмарлықтың сыры ашылды

Мedportal.ru-дың мәлімдеуінше, сыраның өзіне тартатын қасиеті иісі мен дәмінде. Ал құрамындағы қоспалар адамның миына қатты әзер етіп, мастыққа итермелейді.
АҚШ-тың нейрофизиологтары бір саптыаяқ сыра мен бір рөмке өткір күшті алкогольді ішімдікті іш­кен­нен кейін адамның неліктен бір­нешеуін қайта ішкісі келе бере­тінін анықтады. Индиана штатын­дағы Медициналық оқу орнында жүргі­зіл­ген ғылыми-зерттеулерге сенсек, сыраға деген құмарлық ми арқылы пайда болады. Зерттеудің жетекшісі Дэвид Карэкеннің ай­туын­ша, мұндай қорытындыны по­з­­тронды-эмиссиондық то­мо­гра­фия көрсетіп берген. Са­рап­­тамаға қатысқан 49 адамның жартысына сыра, жар­тысына ал­гокольсіз су­сын ұсыныл­ған. Нәти­жесінде сыра­ның иісі мен дәмі және құрамын­дағы әлсіз спирт бас, мидың барлық нейроме­диа­торлы жүйелеріне қатты әсер ететіні белгілі болды. Ал сусын іш­кен­дерде ешқандай әсер білінбеді. Тағы бір айта кететіні, жа­қын туыс­тары маскүнемдікке шал­дыққан­дардың басым бөлігі­нің ми қызметі алко­гольдің аз мөлшеріне де төтеп бере алмай, бірден мас болып қалатыны дәлелденген. Яғни ішім­дікқұ­мар­лыққа ұрпақтан ұрпаққа берілу қасиеті тән деген сөз.