Сабын көпіршігінің ішіне 150 адам сыйып кетті

Канадалық атақты иллюзионист Фан Янг ішіне 150 адам сыятын сабын көпіршігін үріп, рекорд жасады. Көпіршік жасауға қолданылған 2000 литр ерітінді құрамында не бар екенін шебер ешкімге жария етпей отыр.

Синьхуа агенттігінің мәліметінше, рекордты тіркеу үшін арнайы аттракцион пайдаланылды. Оның ортасына әрқайсысының бойы 152 сантиме­т­р­­­­ден асатын 150 адам тұрғызылды. Оларды қор­­ша­ған арнайы желіге сабын ерітіндісі құйылды. Генера­тордың көмегімен сұйықтықтан жоғарыға көпір­шік үрілген кезде, шынымен де, 150 адам сол кеңістіктің ішіне сыйып кетті. «Сабын көпірші­гінің пленкасы өте нәзік, оның үрілмей қалуы да әбден мүмкін. Маған ерітінді құрамына қажетті заттарды мұқият таңдауға тура келді. Көпіршік үрілетін орта­дағы ауа температурасы да маңызды рөл  атқара­ды», – дейді Ф.Янг. Мұның алдында сиқыршы 94 адамды бір көпіршік ішіне сыйғызған еді. Енді ол өз рекордын жаңартып отыр.