Шошқа 2 жасар сәбиді жеп қойды

Кішкентай балалардың бір орында отырмайтын тынымсыз екені белгілі. Тіпті, әрбір іс әрекетінен көз жазбай бақылап отыратын ата-аналардың өзі кейде үлгермей қалып жататын жайттар жиі кездеседі. Сонда да, ойын балаларынан көз жазып қалудың соңы кей кезде орны толмас ауыр жайттарға әкеп соғып жататыны да шындық. Тап осындай жағдай Қытайдың шағын ауылында орын алды.

2 жасар Веи Тсаоны ата-анасы еркелетіп Кеке деп атайтын. Бір күні анасы ұлын аулада бір сәтке ғана қараусыз қалдырғаны сол-ақ екен, сәби үй жануарларын ұстайтын қораға кіріп кеткен. 
Кеке таяуда ғана торайларын өрбіткен шошқаны қызықтап қарағысы келген болуы керек. Өкінішке орай, торайларын қызғанған шошқа ашуға мініп, балаға тап берген.
Ұлының жан ұшыра айқайлаған дауысын естіген ана қораға жүгіріп жеткенде, кеш қалғанын түсінеді. Ол баласының басын тістеген шошқаны көріп, оны құтқаруға жалғыз өзінің шамасы жетпейтінін сезген соң, басқаларды көмекке шақырады. 
Ауыл тұрғындары шошқаны ұстап, ағашқа байлап, қарнын жарғанда оның ішінен баланың дене бөлшектерін табады.

Құрметті ата-аналар! Балаларыңызға абай болуды өтінеміз!!!
inform.kz