Тіл маманы емеспін. Алайда, қазақша сөйлегенде өзіме қате болып естілетін, жастар арасында жиі кездесетін ТОП-8 сөзді ұсынамын. Сонымен:
1. “Елдер, жұрттар”. Ел мен жұрт деген сөз -дар, -тер сіз ақ көпше түрдегі сөздер. Сондықтан “елдер былай шулап жатыр екен” “жұрттарың пысық” деп айтудың қажеті жоқ.
2. “Күлкінішті”. Соңғы кезде күлкілі деген сөздің осы версиясын естіп жүрмін.
3. “Алдын”. Негізі қазақ тілінде уақытты білдіретін сөздер жатыс септігімен келеді. Яғни, кеш батқанда, таң атқанда, таңсәріде, кейініректе, алдында т.с.с. Алдын деген сөзді естігенде бір нәрсе жетіспей тұрғандай көрінеді маған.
4. “Үру”. Шарикті үріп жіберші дегенді естіп жүрміз. Негізі шарикті үрлейді, ал, ит үреді.
5. “Бірақта, бірақтанда”. Бұл сөзді өзімде көп айтамын. Бірақ, біраққа ештеңе қоспасаңда бір мағынаны береді.
6. “Жақтыртпайды”. Негізі, жақтырмайды.
7. “Шіли”. Ол не сөз? Қайдан шыққан!?
8. “Бірдеңке, ештеңке”. Бірдеңе, ештеңе!
P.S. Бұл жеке пікірім. Менің ойым 100% дегенді білдірмейді.
Нұржан Әбдіразаховтың ФБ жазбасынан