Қазіргі уақытта әлемдік тұрғыда көптеген жұлдыздар суррогат ананың көмегіне жүгіну арқылы ата-ана бақытын сезініп жатыр. Сондай жұлдыздардың біразы келбетін ашық көрсетіп, жұртқа жария жасап «сүйіншілетіп» жатса, енді бірі мұны жасырын ұстайды. Менің білейін дегенім, әлемдік деңгейде атағы шыққан жұлдыздардың ішінде суррогат ананың көмегіне жүгіну арқылы бала сүйгендер кімдер? Осы жайында тарқатып жазсаңыздар жөн болар еді.
Әсем Қабдолина, Алматы қаласы
Оқырман сауалына орай «Алаш айнасы» біраз деректерді ақтарып көрді. Бізге мәлім болғандай, қазірде Алла Пугачева мен Максим Галкин суррогат ананың көмегіне жүгінну арқылы Гарри мен Елизаветта атты екі егіз сәбидің ата-анасы атанып отыр. Филипп Киркоров суррогат ананың көмегі арқылы бір емес екі мәрте әке атанып үлгерді. 2011 жылы Киркоровтың Алла-Виктория атты қызы өмірге келсе, бұдан соң оның Мартин есімді ұлы өмірге келді. Әлемге танымал әнші Майкл Джексонның 2002 жылы туған ұлы ханзада Майклдің суррогат ана арқылы өмірге келгені жасырын емес. «Жұлдызды соғыс» (Звездные войны) киносын түсіруші режиссер Джордж Лукас пен әйелі Мелоди Хобсон да суррогат ананың қызметіне жүгіну арқылы қызды болды. Актриса Элизабет Бэнкс пен зайыбы Макс Хандельман осы әдіс арқылы 2011 жылы ұлды болды. Сондай-ақ, 2009 жылы Сара Джессика Паркер мен оның жолдасы Мэттью Бродерик екеуіне суррогат ана егіз қыз туып берген. Міне, әлемдік тұрғыда атақты жұлдыздардың ішінде бұл әдіске жүгінгендердің көшін бастап тұрғандардың легі осылай тізіледі.
Суррогат ананың көмегіне жүгінген атақты жұлдыздар кімдер?
Читайте также
Последние статьи автора