Кеше “Астана” футбол клубының қорғаушысы Абзал Бейсебековтің үйлену тойы өтті.
Сымбат есімді арумен бас қосқан футболшының тойына оның командаластары мен еліміздегі танымал футболшылар жиналды.
Той қонақтарының қатарында Абзалдың командаластары – Таңат Нөсербаев, Елдос Ахметов, Фокси Кетевоама, Рохер Каньяс бастаған бір топ ойыншылар бар. Одан бөлек, Қазақстан құрамасының ойыншылары Бауыржан Исламхан, Ұлан Қонысбаев пен Асхат Тағыберген де жас футболшының қуанышына ортақтасты.Желіде фотосуреттермен бөліскен танымал продюсер Нағи Бақытбеков Абзалдың ата-анасы Фокси Кетевоамаға шапан жапқанын жазған.Еске сала кетейік, жақында “Ақтөбе” клубының капитаны Юрий Логвиненко шаңырақ көтерсе, еліміздегі ең танымал ойыншылардың бірі Бауыржан Исламхан да үйіне келін түсірген болатын.