Әбдәлиев турнирінде Әшірәлиев үздік шықты

Шымкентте бокстан Кеңес Одағының батыры Қарақозы Әбдәлиевті еске түсіруге арналған халықаралық турнир болып өтті. Осымен 33-рет ұйымдастырылған дәстүрлі турнирге жалпы саны 132 боксшы қатысты.
Оңтүстік өңіріміздің орталығында өткен дәстүрлі турнирге еліміздің бірнеше облы­сының боксшыларымен бірге Қытайдан, Ресейден, Өзбекстаннан, Тәжік­стан­нан және Қырғызстаннан келген қонақтарымыз шар­шы алаң көрігін қыздырды.
Сонымен, төрт күнге созылған турнир финалында мына боксшылар кездесті (жеңгендер бірінші жазылды):
49 келі
Жомарт Ержан (ОҚО) – Ғазиз Ордабаев (Алматы)
52 келі
В.Низомидинов (Өзбекстан) – Малик Байтілеуов (Ресей)
Тастемір Бибосынов (Алматы) үшінші орынға ие болды
56 келі
Дастан Әшірәлиев (ОҚО) – Самат Үйсінбай (Алматы)
60 келі
Абдухалил Балтиев (ОҚО) – Еркін Хасенов (Ақмола)
64 келі
Нұржан Жанкеев (Шымкент) – Ахмет Момбеков (Шымкент)
69 келі
Әсет Әлиев (ОҚО) – Олжас Сыздықов (ОҚО)
75 келі
Еркінбек Әбіров (Алматы) – Денис Рыбак (Тараз)
81 келі
Мұрат Құралбаев (Тараз) – Мұхамеджан Еркін (Шымкент)
91 келі
Жасур Курбанов (Тәжікстан) – Фарух Каримов (Өзбекстан)
Нұрлан Нұрсейітов пен Нұржан Алтаев (екеуі де – ОҚО) үшінші орынға ие болды
+91 келі
Мұрат Қаратаев (ОҚО) – Сохибжон Мамажонов (Өзбекстан)
Дастан Әшірәлиев (ОҚО, Қазығұрт) турнирдің ең үздік боксшысы болып танылды.