Мопед міну үшін жүргізуші куәлігі қажет болады
![Мопед міну үшін жүргізуші куәлігі қажет болады](/image/stub.png)
Мәжіліс депутаты Екатерина Смышляева Facebook парақшасында мәжілісмендер жол қозғалысы ережесіне қандай өзгеріс енгізгелі жатқанын айтты, - деп хабарлайды Alashainasy.kz тілшісі Кolesa.kz-ке сілтеме жасап.
Оның айтуынша 2022 жылы елімізде мопед қатысқан жол апатының саны 2021 жылмен салыстырғанда 3.5 есе (101-ден 352-ге), жараланған адам саны үш есеге (117-ден 390-ға) өскен. Сондай-ақ биыл алғашқы бес айда мопедшілер қатысқан жол апатында өлім көрсеткіші де үш есеге өсіпті.
«Сарапшылар самокат туралы заңға саны электросамокаттан кем түспейтін мопедтің енбей қалғанын сынап жатыр», — деп жазды Е.Смышляева.
Мәселені шешу үшін депутаттар қозғалтқыш көлемі 50 кубтан аспайтын мопедтерді тіркеп, мұндай көлік құралын жол ережесіне енгізуді ұсынып отыр. Ол бойынша:
* мопедті 16 жасқа толған, кез келген санаттағы жүргізуші куәлігі бар адам жүргізе алады;
* мопедші мотошлем киюге міндетті және мотошлем кимеген жолаушыны тасуға болмайды (мотоциклшілерге де осындай талап қойылады);
* мас болып мопед жүргізуге болмайды;
* ұзындығы мен ені 50 сантиметрден асатын және алып жүргенде қиындық тудыратын жүктерді тасуға болмайды;
* мопедті эстакада, көпір және жол өтпесі бойына, сондай-ақ гүлзар, көгал және балалар ойнайтын алаңқай мен спорт алаңына қоюға тыйым салынады;
* мопедпен көлік құралы құрылымында көзделген саннан асатын және мас немесе 16 жасқа толмаған жолаушыны тасуға болмайды (қазіргі жол ережесінде мопедпен жолаушы тасуға мүлде болммайды);
* мопедшіге тротуар, жаяу жүргіншілер жолы және веложолмен жүруге болмайды. Ал түнде мопедшінің киімінде жарық шағылыстыратын элемент болуы керек. Веложолақпен жүруге рұқсат етіледі.
Депутат мұның бәрі қазірше жоба екенін, сондай-ақ мәжілістің жұмыс тобы кез келген орынды ұсынысты тыңдауға дайын екенін айтты.
Соңғы сағатта көп оқылған жаңалықтар осында Massaget.kz
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)