Республикамыздағы жыл сайынғы емханаға тіркелу науқаны өз мәресіне жетті.
15 қыркүйек пен 5 қараша аралығында 2 айға созылған акцияда әрбір Қазақстандық және ел аумағында тұратын шетелдік азаматтар емхананы өз бетінше таңдау құқығын пайдаланды.
Дәстүрлі науқан Шымшаһарда қалай жүзеге асты? Тиіста сала өкілдері БАҚ өкілдеріне есеп берді. Толығырақ алдағы сюжетте.
Шымкент қалалық электрондық денсаулық сақтау орталығының мәліметтеріне сәйкес, емхананы еркін таңдау барысында 1 120 324 тұлға жалпы саны 44 емханаға тіркелген. Азаматтағы жоқ және басқа санаттарға жататын 180 тұлға алғаш рет тіркеу жасаса, қаламыздағы клиникаларға 37 шет елдік азамат пен 1 қандасымыз рәсімделген.
Сәбит Құралбек – ӘМСҚ Шымкент қаласы бойынша филиалынын директоры
Есепті кезеңнің басына бекітілген халық саны 195167 тұлғалар, "Еркін таңдау"себебінен 2806, "көшу" себебі бойынша 466, "эл.E-gov қызметтері" себебінен 38 329, "Аймақтық учаскінің жабылу" себебі бойынша 56 005, "Ішкі қайта бекіту" себебінен 84627, "тіркеу науқаны" себебінен 12 934
Науқан кезінде еркін таңдау құқығын пайдаланбаған тұрғындар бұрынғы емханасына бекітілген болып қалады. Ережеге сәйкес, жалпы практика дәрігеріне, учаскелік терапевтке бекітілген тұрғындар саны 1700 адам, учаскелік педиатрға қарайтындар 6 жасқа дейін 500 баладан, ал 14 жасқа дейін 900 баладан аспауы кажет. Егер мекемеде тіркелушілер қатары толып қалса, тұрғындар басқа емхана таңдауға мәжбүр.
Сәбит Құралбек – ӘМСҚ Шымкент қаласы бойынша филиалынын директоры
Айтып өтейік, қазірігі таңда, тұрғындар үшін қашықтықтан медициналық қызмет көрсетулер қолға алынған. Арнайы профильді дәрігерлердің, оның ішінде Қазақстандық және шетелдік ғылыми орталықтардың мамандары пациенттің медициналық мекемеге келмей онлайн-режимде консультация алуына мүмкіндік бар. Бұл қызмет әсіресе науқасты коронавирустан емдеу кезінде өзекті болды.
Қажетті ақпаратты алмаған жағдайда әлеуметтік медициналық сақтандыру Қорына келесі байланыс арналары арқылы өтініш беруге болады: ресми сайт fms.kz, байланыс орталығы 1406, Telegram-дағы Qoldau 24/7 және SaqtandyryBot мобильді қосымшасы