ҚАРТТАР КҮНІНЕ ОРАЙ АРДАГЕРЛЕРГЕ ҚҰРМЕТ КӨРСЕТІЛДІ
1 қазан – Халықаралық қарттар күні мерекесі қарсаңында Әл-Фараби ауданының әкімі Рашид Мыңбаев аудандық ардагерлер кеңесінің төрағасы Рысбай Исамутдинмен бірге ауданға мол еңбегі сіңген Шымкент қаласының құрметті азаматтары атанған Мұқан Омаров пен Нұрғали Нұртаевты төл мерекесімен құттықтады.
— Үлкенді сыйлап, оларға құрмет көрсету – ата-бабамыздан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың орны біз үшін бөлек. Еліміздің өсіп-өркендеу жолында әрқайсыларыңыздың қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым мен парасаттың үлгісін танытудан жалыққан емессіздер. Аман жүріңіздер, ұрпақтарыңыздың қуанышына бөлене беріңіздер! - деді аудан әкімі.
Әл-Фараби ауданын 1040 тыл ардагері, 2 ҰОС ардагері, 17 мыңға жуық зейнеткер ардагерлер бар.
Шымкент қаласы әкімдігінің баспасөз қызметі
