Мәскеу түбінде құлаған Ан-148 ұшағының жолаушысы Илья Ставинский кеше туған күнін атап өтуі тиіс болған, трагедия болған күні ол үйіне ұшып бара жатқан, деп хабарлады Рен ТВ телеарнасы.
Соңғы мәлімет бойынша, ұшақта 65 жолаушы мен 6 экипаж мүшесі – барлығы 71 адам болған. Апатқа ұшыраған Ан-148 ұшағына сондай-ақ Әзірбайжан азаматы отырған, тағы екі шетелдік туралы мәліметтер әзірге нақтыланған жоқ.
Мəскеуден Орск қаласына ұшып шыққан ұшақ әуеге көтерілген соң екі минуттан кейін радардан жоғалып кеткен. Оқиға орнында іздеу-құтқару операциясы жүргізіліп жатыр, "қара жәшіктердің" біреуі табылды.