Тұрпанда жер бетінің температурасы 80℃-тан асты - CNR
ҚазАқпарат шетелдегі қазақ тілінде тарайтын ақпарат көздеріне апталық шолуын ұсынады, - деп хабарлайды Alashainasy.kz тілшісі.
Соңғы бірнеше күнде Шыңжаңның Тұрпан қаласында үздіксіз жоғары температура сақталды. «Жалынтау» көрініс аумағы маңында жер бетіндегі ең жоғары температура 80°C-қа дейін жетті. Бірақ осындай ыстық болсада туристердің келуі еш төмендеген жоқ, олар керісінше «өте ыстық» сезімді бастан кешіруді қалады, деп жазады Қытайдың Орталық халық радиосы ақпарат порталы.
Шілденің 16-сы күні Шыңжаңның Тұрпан қаласындағы ауа райын бақылау бекетінің мәліметінше, ең жоғары температура 45°С-тан басталған, кейбір жерлерде ең жоғары температура 50°С-тан асты.
Жалындаған «Жалынтаудың» көркем аймағында қызыл-қоңыр тау аптап ыстық күн астында жалындап тұрды.
Күндізгі сағат 3-те температура күннің ең жоғарысы болатыны белгілі. Көрікті аймақтағы алып термометр нақты уақыттағы бет температурасының 80℃-қа жеткенін көрсеткен.
«Қазіргі уақытта «Жалынтау» көркем аймағына келетін туристер саны күніне 6000-ға жуық адамды құрайды. Температураның жоғары болуына байланысты жергілікті жерде аптап ыстықтан сақтану және салқындату үшін түрлі шаралар қабылдануда. Туристерге балмұздақ беріп қана қоймай, сонымен қатар сыртқы кондиционерлерді ұйымдастырып, аптап ыстықтан сақтануға дәрі-дәрмек әзірледі» деп жазды Қытайдың «Орталық халық радиосы».
Соңғы сағатта көп оқылған жаңалықтар осында Massaget.kz
