Түркиядағы зілзаладан кейін тағы бір Қазақстан азаматы хабар-ошарсыз кетті. Қазір қызды іздеу жұмыстары жүріп жатыр, - деп хабарлайды Alashainasy.kz тілшісі "Экспресс К"-ға сілтее жасап.
Бұл туралы Сыртқы істер министрлігінің ресми өкілі Айбек Смадияров айтты.
Ол осы жылдың 6 ақпанынан бері байланысқа шықпады, тұратын жері — Кахраманмараш қаласы. Әпкесі министрліктің "жедел желісіне" хабарласқаннан кейін оны іздеу жұмыстарын бастадық. Қазіргі кезде Қазақстан елшілігінің қызметкері осы қалаға барды, — дейді Айбек Смадияров.
Айбек Смадияров
Оның айтуынша, елшілік қызметкерлері түрік құтқарушыларымен бірлесіп, іздестіріп жатыр. Көршілерінің айтуынша, үй қираған уақытта қазақстандық әйел сонда болған.
Бұған дейін Түркиядағы зілзала кезінде Қазақстанның үш азаматы жоғалып кеткені хабарланған болатын. Олардың бірі Сабина Мамадиярова тірі табылды. Тағы екеуі — Әділ Қадырбеков пен Мейірболат Құрмашев көз жұмды.