Түркияда жойқын жер сілкінісі болды. Табиғат апаты елдің бірнеше қаласында сезілді. Тіпті билік ең жоғарғы дабыл белгісін жариялаған, деп хабарлайды Экспресс К.
ТАСС ақпарат агенттігінің мәліметіне сүйенсек, жарты сағат ішінде 7,7 баллдық, 6,4 және 6,6 баллдық үш жер сілкінісі тіркелген. Қираған ғимараттар мен зардап шеккен халықтың нақты саны белгісіз. Табиғат апаты таңға жуық сағат 4:17-де болды. Жер асты дүмпуі Анкара, Анталья, Газиентеп, Кайсери, Мерсин, Трабзон сынды бірнеше қалада сезілген.
Негізгі орталығы елдің оңтүстік-шығысындағы Газиантеп провинциясында болған. Алдын ала ақпарат бойынша Шаңлыурфа қаласында 16 нысан қирап, астында бірнеше адам қалса, Османда 34 ғимараттың күл-талқаны шықты. 5 адам көз жұмған. Ал Диярбакырда сегіз қабатты тұрғын үй құлады.
Елде табиғат апатына байланысты ең жоғарғы дабыл белгісі жарияланып отыр. Құзырлы органдар құтқарушылармен бірлесіп жер сілкінісі салдарынан зардап шеккендерге барынша қол ұшын созуда.