Ресейдің Су-27 жойғыш ұшағы Қара теңіз үстінде АҚШ Әуе күштерінің ұшқышсыз басқарылатын ұшағымен соқтығысып, нәтижесінде дрон зақымданды, - деп хабарлайды Alashainasy.kz. Бұл туралы Tengrinews.kz тілшісі Euronews сайтына сілтеме жасап жазды.
Бұл туралы АҚШ-тың Еуропалық қолбасшылығы (EUCOM) мәлімдеді.
Оқиға сейсенбіде, 14 наурызда болған. MQ-9 Reaper ұшқышсыз ұшағы Қара теңіз халықаралық сулары үстінде екі Су-27 жойғыш ұшағымен қатар ұшқан, сол кезде ресейлік ұшақтардың бірі "ұшқышсыз ұшақтың алдына әдейі ұшқан", содан кейін истребительдердің бірі ұшқышсыз ұшақтың құйрығына орнатылған Reaper пропеллеріне зақым келтірген. Ресей Қорғаныс министрлігі ұшқышсыз ұшақ Қара теңізге өзінің маневрі салдарынан құлады, ресейлік жойғыш ұшақтар онымен байланыста болмады деп мәлімдеді.
"Сағат 09:30 шамасында жылдам маневр жасау нәтижесінде MQ-9 ұшқышсыз ұшағы бақылаудан айырылып, су беткейіне соқтығысты. Ресей жойғыштары борт қаруын қолданбаған, олар ұшқышсыз ұшатын аппаратпен жанаспай, аэродромға аман-есен оралды", - делінген ведомствоның телеграм-арнасында.
Ресей мен америкалық ұшақтар Ресей Украинаға басып кіргеннен бері Қара теңіз үстінде ұшады, бірақ бұл өршуі мүмкін бірінші оқиға, дейді арна.