Ағылшын тілді Theestle.Net порталы әлем елдері президенттерінің ең үздік 10 сарайын анықтады. Осы тізімде Астанадағы Ақ орда үшінші орын алды. Бұл туралы «Азия-Плюс» хабарлады.
Әлем елдері президенттерінің 10 үздік тобын (Top 10 Most Beautiful Presidential Palaces In The World) АҚШ президентінің Вашингтондағы Ақ үйі бастады. Екінші орынға Тәжікстан президентінің Ұлт сарайы – Касри Миллат (суреттерде) орналасты.
Сайттың болжамы бойынша, үшінші орынды Қазақстан президентінің Астанадағы Ақ ордасы алса, төртінші позицияға Біріккен Араб Әмірлігінің байтағы – Абу-Дабидегі президент сарайы шыққан. Бұдан әрі Түрікменстан президентінің сарайы бесінші сатыға жайғасса, үздіктер алтылығын Мәскеу Кремлі тиянақтайды.
Ақ үй - Вашингтондағы АҚШ президентінің сарайы
Тәжікстан президентінің Ұлт сарайы – Касри Миллат