Латвия арнайы қызметі Ригада Sputnik Литваның шеф-редакторы Марат Касемді ұстады.
Sputnik Ближнее зарубежье агенттігінің хабарлауынша, 5 қаңтарда сот отырысы өтіп, онда бұлтартпау шарасын таңдау мәселесі қаралған.
Марат Касемнің адвокаты Имма Янсоне оны кепілмен босатуды талап етті. Бірақ сот қамауға алу түріндегі бұлтартпау шарасын таңдау туралы шешім қабылдады. Журналист Ригадағы орталық түрмеге ауыстырылды.
Заң бойынша бұлтартпау шарасы бойынша сот шешіміне 10 күннің ішінде шағымдануға болады.
Жаңалық арнасының хабарлауынша, Касемге Ресей Федерациясына қатысты Еуроодақтың экономикалық санкцияларын бұзу және және тыңшылық бабы бойынша айып тағылып отыр. Екінші бап бойынша журналист 20 жылға дейін бас бостандығынан айырылуы мүмкін.
Айта кетері, Марат Касем Латвия азаматы. Бірнеше жылдан бері Мәскеуде тұрып, жұмыс істейді. 30 желтоқсанда журналист Латвияға отбасылық жағдаймен келген.