Елордадағы ұлттық академиялық кітапхана – жалпы аумағы 15000 шаршы метрді құрайтын бес қабатты ғимарат. Жаңа үлгідегі мультимедиалық кітапхана электронды ақпаратпен жұмыс істейді, сан алуан электронды сервистерді ұсынады, жаңа компьютерлік технологияларды енгізіп отырады. Электронды ақпарат – кітапхананың негізгі ресурсы, басты бағыты – қағазсыз технологияны дамыту. Оқырмандар қазіргі заманғы каталог залын, ресурстар залын, ақпараттық-библиографиялық сервис қызметін, мұнай-газ саласына арналған электронды оқу залын, әлем әдебиеті бөлімін, ғылыми оқу залы мен мүмкіндігі шектеулі азаматтарға арналған заманауи технологиялы залды пайдаланады. Кітапханада барлығы 500 орынға есептелінген 17 бөлім жұмыс істейді. Мұнда 2,5 млн дана кітапты сақтайтын қойма бар, сондай-ақ электронды ақпараттарды терабайттық көлемде сақтауға мүмкіндік беретін серверлер кешені де қызмет етеді. Қорда барлығы 600 мыңнан астам кітап сақтаулы, сонымен бірге 900-ден астам атаулы отандық және шетелдік мерзімді баспасөз өнімі жиналып жатыр. Келешекте ұлттық кітапхананы сәулет өнерінің соңғы үлгілері бойынша салынатын бірегей кешенге көшіру жоспарда бар.
ҚР Ұлттық академиялық кітапханасы
- 70
Последние статьи автора
- 337
- 483