Жұмабай Шаштайұлы

 Жұмабай Шаштайұлы 1950 жылы 10 қазанда Алматы облысы Жамбыл атындағы ұжымшарда дүниеге келген. 1968 жылы Жамбыл атындағы орта мектепті бітіріп, еңбек жолын көмекші шопан болып бастады. 1969-1971 жылдары әскер қатарында болды. 1971 жылдан бастап автоклуб меңгерушісі, аудандық газетте корректор жұмыстарын атқарды. 1976 жылы Жамбыл облысы Красногор аудандық «Коммунизм жолы» газетінде редактордың орынбасары болып қызмет етті. Қазақ мемлекеттік университетінің филология факультетін 1989 жылы сырттай оқып бітірген.
1980 жылы республикалық «Лениншіл жас» (қазіргі «Жас алаш») газетінде тілші, бөлім меңгерушісі, «Социалистік Қазақстанда» (қазіргі «Егемен Қазақстан») тілші, «Жалын» журналында бөлім меңгерушісі, Алматы облысы қазақ тілі қоғамы төрағасының орынбасары, «Қазақ әдебиеті» газетінің бөлім меңгерушісі, «Заман – Қазақстан» газетінің бас редакторы мен Қазақ радиосында Бас редактор қызметтерін атқарды. 2008 жылдан «Қазақ әдебиеті» газетінің Бас редакторы.
«Қызыл қар» (1984), «Жала мен нала» (1987), «Жыр жолбарыс» (1996) жинақтары шыққан. «Біздің заманның Аяз биі» (1997), «Жаңғырық» (2004) романдары жарық көрді.
Қазақстан Республикасы Президенті сыйлығының иегері.