Жандос Ақылсерікұлы Әбішев

Жандос Ақылсерікұлы Әбішев 1973 жылы 2 ақпанда Қарағанды облысы, Қарқаралы қаласында дүниеге келді.
1994 жылы Қарағанды педагогикалық институтын денешынықтыру мамандығы бойынша бітірді.
2000 жылы «Фемида» заң институтын «Құқықтану» мамандығы бойынша бітіріп, екінші жоғары білім алды. Заңгер.
2005 жылы Қарағанды экономикалық университетін бітіріп, «Қаржы» мамандығы бойынша диплом алды. Қаржы бакалавры «Мамандану: қаржы менеджменті» біліктілігі тағайындалды.
1994 жылдан бастап 1995 жыл аралығында Қазтұтыну одағы университеті, дене тәрбиесі кафедрасының оқытушысы;
1998 жылдан бастап 1999 жыл аралығында Қарағанды облысы бойынша ақпарат және қоғамдық келісім басқармасы, бұқаралық ақпарат құралдары және реформаны насихаттау бөлімінің бас маманы;
2000 жылдан бастап 2001 жыл аралығында Қарағанды облысы Әділет басқармасының Қарағанды қ. Октябрь аудандық соты Киров сотының учаскесі, бас маман;
2001 жылдан бастап 2003 жыл аралығында Қарағанды облысы Соттар әкімшісі, бас маман, материалдық-техникалық қамтамасыз ету бөлімінің бастығы;
2003 жылдан бастап 2005 жыл аралығында Қарағанды облысы Соттар әкімшісінің қаржы мәселесі жөніндегі орынбасары;
2005 жылдан бастап 2012 жыл аралығында Қарағанды облысының жұмыспен қамтуды үйлестіру және әлеуметтік бағдарламалар басқармасының бастығы;
2012 жылы Қарағанды облысы әкімінің кеңесшісі;
2012 жылдан бастап 2013 жыл аралығында Қазақстан Республикасы Президенті Әкімшілігінің Қазақстан халқы Ассамблеясы Хатшылығының инспекторы;
2013 жылғы тамыз айынан бастап осы уақытқа дейін Қарағанды облысының жұмыспен қамтуды үйлестіру және әлеуметтік бағдарламалар басқармасының басшысы.
«Қазақстан Республикасының Тәуелсіздігіне 20 жыл», «10 жыл Астана» мерейтойлық медальдарымен, Қазақстан Республикасы Ауыл шаруашылық министрлігінің төс белгісімен, Қазақстан Республикасы Президентінің құттықтау хатымен, Қазақстан Республикасы Еңбек және халықты әлеуметтік қорғау министрінің Құрмет грамотасымен, Қарағанды облысы әкімінің құттықтау хатымен марапатталған.
Ж.А. Әбішев басқарманың әлеуметтік саясаттың басты бағыттарын іске асыру, халықты әлеуметтік қамтамасыз ету деңгейін арттыру, ұсынылатын әлеуметтік қызметтердің сапасын жақсарту, өнімді жұмыспен қамтумен қамтамасыз ету, жұмысқа орналастыруға жәрдемдесу, қоғамдық жұмыстарды, кәсіптік даярлықты, біліктілікті арттыру және жұмыссыздарды қайта даярлауды ұйымдастыру арқылы еңбек нарығында белсенді саясат жүргізуді іске асыру жөніндегі жұмысын басқарады және басқарманың қаржылық және кадрлық қызметін үйлестіреді.