ЖАЛМАҒАНБЕТОВА Светлана Жақияқызы
Светлана Жақияқызы Жалмағамбетова 1948 жылы 19 сәуірде Ақмола облысы Ерейментау ауданы Благодатное ауылында туған. Қоғам және мемлекет қайраткері, ҚР-ның еңбек сіңірген қызметкері. 1971 жылы Қарағанды политехникалық институтын бітірген.
1971-1980 жылдары «Целиноградсельмаш» зауытында комсомол комитетінің хатшысы, бөлім бас технигі, инженер-конструктор, конструкторлық бюро басшысы. 1980-1982 жылдары Целиноград қалалық партия комитетінің нұсқаушысы. 1982-1983 жылдары Ленин ауданы атқару комитеті төрағасының орынбасары. 1983-1985 жылдары «Целиноградсельмаш» зауытында партия комитетінің хатшысы. 1985-1987 жылдары Целиноград облысы атқару комитеті төрағасының орынбасары. 1987-1989 жылдары Совет ауданы партия комитетінің І хатшысы. 1989-1991 жылы Целиноград облысы партия комитетінің бөлім бастығы. 1991-1992 жылдары сонда жастар ісі жөніндегі комитеттің төрағасы. 1992-2003 жылдары облыс әкімінің орынбасары қызметтерін атқарды. 2003 жылы және 2008 жылы Ақмола облысынан сайланған ҚР Парламенті Сенатының депутаты. ҚР Президенті жанындағы отбасы және гендерлік саясат істері жөніндегі комиссия мүшесі.
«Құрмет», ТМД елдерінің «Достастық» ордендерімен марапатталған.
