Жадыра Жұмакүлбай

Жадыра Серікбекқызы Жұмакүлбаева 1983 жылы 04 қарашада Шығыс Қазақстан облысы Абай ауданы Қарауыл ауылында дүниеге келген. 2000 жылы Қарауыл гимназиясын бітірген. 2000-2004 жж. әл-Фараби атындағы Қазақ Ұлттық университетінің журналистика факультетін үздік дипломмен тәмамдаған. 2004-2006 жж. Аталған оқу орнының журналистика факультетінің магистратурасын үздік дипломмен тәмамдаған. 2003-2006 жж. Қазақ радиосында «Аты жоқ көкек» сатиралық-юморлық хабарының автор әрі жүргізушісі. «Білім кеңістігі», «Менің Қазақстаным», «Талғамға талас бар» хабарларының редактор-жүргізушісі. 2006-2009 жж. «Қазақстан» ұлттық арнасынының мәдени хабарлар бөлімінің редакторы. «1001 мамандық» хабарының редактор-жүргізушісі, «Аламан айтыс», «Ән айтыс», «Күй тартыс», «Дала думан», «Ауыл сазы» бағдарламаларының редактор-сценаристі қызметін атқарған. 2009-2012 жж. республикалық күнделікті шығатын қоғамдық-саяси «Алаш айнасы» газетінің мәдениет бөлімінің тілшісі болып қызмет атқарды. Қазақтың ұлттық классикалық музыкалық өнері (әні мен күйі) тақырыбында мақалалар жазды. 2013 жылдан бері «Шалқар» радиосында редактор-жүргізуші. Әнші, күйші, термешілердің мәртебесін көтеруге арналған «Сал домбыра» хабарының жүргізушісі. Қазір бала күтіміне байланысты демалыста. Тұрмыс құрған. Үш баласы бар. Жетістіктері: 1998 жылы Абай аудандық оқушылар арасындағы ақындар айтысының Бас жүлдегері; 1999 жылы І республикалық Абай-Шәкәрім оқуларының «Өз шығармашылығы» номинациясы бойынша 3 орын иегері; 2000 жылы Өскеменде өткен қазақ тілі мен әдебиеті пәні бойынша облыстық білім олимпиадасының І орын иегері.