Сапарбек Мұсаханұлы Сахов
Сапарбек Мұсаханұлы Сахов 1950 жылы 22 желтоқсанда Оңтүстік Қазақстан облысы Ордабасы ауданында дүниеге келген. Шымкент педагогикалық институтын бітірген. Тарих ғылымының кандидаты.
1978-1987 жылдары - Шымкент дене тәрбиесі техникумының оқытушысы, Қазақ химия-технология институтының оқытушысы, аға оқытушысы. 1987-1991 жылдары - Дзержинский аудандық комитеті бөлімінің меңгерушісі, Шымкент облыстық партия комитетінің лекторы. 1991-1992 жылдары - Шымкент фармацевтика институтының проректоры. 1992-1993 жылдары - Шымкент қаласы әл-Фараби аудандық әкімшілігі басшысының бірінші орынбасары. 1993-1995 жылдары - Оңтүстік Қазақстан облыстық әкімшілігі бөлімінің меңгерушісі. 1995-2002 жылдары - Шымкенттегі №5 кәсіби-техникалық мектебінің директоры. 2002-2003 жылдары - Оңтүстік Қазақстан облыстық мәслихатының хатшысы қызметтерін атқарған. 2003-2004 жылдары - «Нұр Отан» ХДП Оңтүстік Қазақстан облыстық бөлімшесінің төрағасы. 1999-2003 жылдары Оңтүстік Қазақстан облыстық мәслихатының депутаты болған. 2003 жылдан бастап Шымкенттегі №5 кәсіптік-техникалық лицейдің басшысы. 2014 жылдан жаңа технологиялар колледжі директорының ғылыми-әдістемелік жұмыс жөніндегі орынбасары.
«Толқынды теңіз заманам» атты кітабы жарық көрген. Медальдармен марапатталған.
