Ораз Исмаилов

Ораз Исмаилов 1940 жылы 24 маусымда Алматы облысының Ескелді (бұрынғы Талдықорған) ауданындағы Шұбар аулында дүниеге келген. 1962 жылы Қазақ мемлекеттік университетінің филология факультетіне түскен. Сол кезде «Дәуаға» деген тырнақалды тұңғыш новелласын жазады. Аудандық «Жетісу шұғыласы» газеті редакторының орынбасары, республикалық телерадиокомитеттің Талдықорған облысындағы меншікті тілшісі қызметтерін атқарады.
2004 жылдан Қазақ гуманитарлық Заң университетінде ректордың кеңесшісі әрі айрықша тапсырмалар жөніндегі көмекшісі.
«Жетісуым жаннатым менің» атты драмасы, «Тарланбоз», «Ел жүрегіндегі Ескелді» атты пьесалары театрларда табысты қойылған.
Шығармалары: Әке сыры. А., «Жалын», 1982; Шаңды жол. А., «Жалын», 1985; Қайша қыз. А., «Жалын», 1991; Ескелді би. «Үштөбе», 1992; Қабан жырау. Талдықорған. 1993; Балпық әулие. Талдықорған. 1994; Орақты батыр. Талдықорған. 1995; Бабалар сөзі – даналық көзі. А., «Білім», 1996; Шұбар ата – Жолбарыс. Талдықорған, 1997; Қаратәуіп және оның шөбересі. Талдықорған, 1998; Әлем тарихындағы жалайырлар. А., «Дәуір», 1999; Бақтыбай. А., «Шартарап», 2000; Қараның ханы – Байтұрбай. А., «Шартарап», 2001; Бақыттың қиын баспалдақтары. А., «Атамұра», 2004, Данагөй. А., «Атамұра», 2006; Трудные ступени счастья. А., «Атамұра», 2006; Бабамыз Балпық әулие. А., «Атамұра», 2007; Жыр атасы – Қабан жырау. А., «Атамұра», 2007; Алтынемел аясында, А., «Атамұра», 2007.