Марат Қонысбайұлы Жүндібаев 1974 жылғы 26 маусымда Қостанай облысы Қостанай ауданының Новоселовка селосында дүниеге келген. 1997 жылы А. Байтұрсынов атындағы Қостанай мемлекеттік университетін «тарих» мамандығы бойынша, 2002 жылы Қазақ құқықтану және халықаралық қатынастар институтын «құқықтану» мамандығы бойынша, 2009 жылы Халықаралық бизнес университетін «мемлекеттік және жергілікті басқару» мамандығы бойынша тәмамдаған.
Еңбек жолын 1991 жылы шілде айында Жітіқара ауданында кеңшар жұмысшысы болып бастады. 1997 жылы А. Байтұрсынов атындағы Қостанай мемлекеттік университетін аяқтағаннан кейін Қостанай қаласында «Аракс» ЖҮАҚ сыртқы экономикалық байланыс бөлімінің шебері болып қызмет атқарған. 1999 жылдың қарашасынан 2002 жылдың шілдесіне дейін Жітіқара ауданы әкімінің аппараты ішкі саясат және әлеуметтік сала бөлімінің бас маманы, бастығы болып еңбек еткен. 2002 жылдың шілдесінен 2005 жылдың қаңтарына дейін – Қостанай облысы әкімі аппараты ішкі саясат және әлеуметтік сала бөлімінің бас маманы. 2005 жылдың қаңтарынан 2008 жылдың ақпанына дейін – Жітіқара ауданы әкімінің орынбасары. 2008 жылдың ақпанынан 2010 жылдың маусымына дейін - Қостанай қаласы әкімінің орынбасары. 2010 жылдың маусымынан 2011 жылдың қыркүйегіне дейін – денсаулық сақтау басқармасының бастығы. 2011 жылдың қыркүйегінен 2013 жылдың 12 ақпанына дейін білім бөлімі басқармасының бастығы қызметін атқарған. 2013 жылдың 13 ақпанында Қостанай облысы Лисаков қаласының әкімі болып тағайындалған.
Марат Қонысбайұлы Жүндібаев
Последние статьи автора