Мақсат Нұрәділұлы Қалимолдаев 1957 жылы 18 маусымда Алматы облысы Райымбек ауданының Текес ауылында дүниеге келген. 1980 жылы С.М. Киров атындағы Қазақ мемлекеттік университетінің механика және қолданбалы математика факультетін «Қолданбалы математика» мамандығы бойынша тәмамдаған. Физика-математика ғылымдарының кандидаты (1990), докторы (2000). Докторлық диссертациясының тақырыбы: «Желілік емес көпшамалы фазалық жүйелердің тұрақтылығы және математикалық үлгіленуі». Профессор (2003 жылдан). ҚР ИА корреспондент-мүшесі (2003). 4 монографияның, 5 көмекші оқу құралының, 80-нен астам ғылыми мақаланың авторы. Авторлық куәлік иегері (2010). Оның жетекшілігімен физика-математика, техника және педагогика ғылымының 1 докторлық және 7 кандидаттық диссертация қорғалған.
1975 жылдан - С.М. Киров атындағы Қазақ мемлекеттік университетінің студенті. 1980 жылдан - ҚазКСР ҒА Математика және механика институтының экономикалық-математикалық әдістер зертханасының инженері. 1982 жылдан - С.М. Киров атындағы Қазақ мемлекеттік университетінің (әл-Фараби атындағы ҚазМУ) басқару теориясы кафедрасында аға зертханашы, аспирант, ассистент, аға оқытушы, доцент. 2001 жылдан - ҚР БҒМ Ғылым департаментінде басқарма бастығы, департамент директорының орынбасары. 2003 жылдан - ҚР БҒМ Жоғары аттестациялық комитеті төрағасының бірінші орынбасары. 2005 жылдан - әл-Фараби атындағы Қазақ ұлттық университетінің ақпараттық жүйелер кафедрасының профессоры. 2008 жылдың мамыр айынан бері - ҚР БҒМ Ғылым комитеті Информатика және басқару проблемалары институтының директоры.
Мақсат Нұрәділұлы Қалимолдаев
Последние статьи автора