Майра Смайылқызы Ғұмарова

Майра Смайылқызы Ғұмарова 1961 жылы 27 сәуірде Атырау облысы Балықшы ауданының Дамба ауылында дүниеге келген. С.М. Киров атындағы Қазақ мемлекеттік университетінің журналистика факультетін тәмамдаған (1990), журналист.
1978 жылдан - Маңғышлақ облысы Ерәлиев кенті №7 ОМ аға пионер жетекшісі. 1980 жылдан - «Маңғыстау» облыстық газетінің корректоры (Форт-Шевченко қаласы). 1982 жылдан - Гурьев облысы Балықшы ауданының «Каспий арайы» газетінің корректоры. 1986 жылдан - С.М. Киров атындағы Қазақ мемлекеттік университетінің студенті; Маңғышлақ облысы Қарақия ауданы «Түлеген түбек» газетінің бөлім меңгерушісі. 1995 жылдан - коммерциялық «Альбаз» телеарнасының журналисі (Жаңаөзен қаласы). 1997 жылдан Жаңаөзен қаласы қалалық коммуналдық шаруашылық кәсіпорынының инженері. 2000 жылдан - коммерциялық «МИК ТВ» телеарнасының журналисі (Жаңаөзен қаласы). 2001 жылдың қаңтарынан - Маңғыстау облыстық ақпарат және қоғамдық келісім басқармасының маманы. 2001 жылдың шілдесінен - Маңғыстау облысы әкімі аппаратының бұқарамен байланыс бөлімінің бас маманы. 2002 жылдың шілдесінен - Маңғыстау облысы әкімі аппаратының бас маманы - баспасөз хатшысы. 2002 жылдың желтоқсанынан - Маңғыстау облысы әкімі аппараты ақпараттық қамтамасыз ету бөлімінің бас маманы - баспасөз хатшысы. 2003 жылдан - Маңғыстау облысы әкімі баспасөз қызметінің бас маманы, 2005 жылдан - жетекшісі. 2006-2012 жылдары - Маңғыстау облысы Мәдениет басқармасының бастығы, 2012 жылдан - Тілдерді дамыту жөніндегі басқармасының бастығы. Қазір Маңғыстау облысы әкімінің кеңесшісі.