Көпен Қабылқасымұлы Ахмадиев
Көпен Қабылқасымұлы Ахмадиев 1955 жылы 6 желтоқсанда Өскемен қаласында дүниеге келген. 1976 жылы Ресей Федерациясындағы Әуе қорғанысы зениттік-ракета училищесін, 1989 жылы Әуе қорғанысы әскери командалық академиясын бітірген. Әскери қайраткер, генерал-майор (9.12.1996). 1973 жылғы 1 қыркүйектен Қарулы Күштер қатарында. Взвод, батарея командирі, штаб бастығы — зениттік-ракета дивизионы командирінің орынбасары, командалық пункт бастығы, зениттік-ракета дивизионның командирі, зениттік-ракета полкі командирінің орынбасары, полк штабының бастығы, зениттік-ракета полкі командирі қызметтерін атқарған. Қазақстан Республика Қорғаныс Министрлігі Әуе қорғанысы әскерлері қолбасшысының бірінші орынбасары, штаб бастығы (1998). Бірнеше медальдармен марапатталған.
