Болат Ажақайұлы Сембин

Болат Ажақайұлы Сембин 1944 жылы 12 наурызда Жамбыл облысының Сарысу ауданында туған. С.М. Киров атындағы Қазақ мемлекеттік университетін бітірген (1969), заңгер. Заң ғылымдарының кандидаты (2001). Кандидаттық диссертациясының тақырыбы: «Басты сот талқылауындағы адам және азаматтың конституциялық құқықтары мен бостандықтарын қамтамасыз ету жөніндегі прокурордың қылмыстық-процессуалдық қызметі». Профессор. Азаматтардың құқықтары мен мүдделерін қорғау саласындағы 20-дан астам ғылыми еңбектің авторы. «Қазақстан Республикасындағы прокуратура туралы», «Қазақстан Республикасының соттары және судьялардың мәртебесі туралы» ҚР Заңдарын әзірлеуге қатысқан.
1969 жылдан - тергеуші, Гвардиялық ауданының прокурорының көмекшісі;
1972 жылдан - Киров ауданының прокуроры;
1981 жылдан - Торғай облыстық прокурорының орынбасары.
1985 жылдан - Қарағанды облыстық прокурорының бірінші орынбасары.
1987 жылдан - Торғай облысының прокуроры.
1988 жылдан - Алматы көлік прокуроры.
1990 жылдан - ҚР Бас прокурорының орынбасары.
1993 жылдан - Қазақ көлік прокуроры.
1994 жылдан - ҚР Бас прокуратурасының Кадрлар қаржылық және шаруашылық қызмет Бас басқармасының бастығы.
1995 жылдан - ҚР бас прокурорының орынбасары.
1997 жылдан - Талдықорған облысының прокуроры.
1998 жылдан - Алматы қалалық Әділет басқармасы Сот орындаушылары департаментінің директоры.
2000 жылдан - Л.Н. Гумилев атындағы Еуразия ұлттық университетінің Құқық институты директорының орынбасары; ҚазМЗА-ҚазМЗУ проректоры.
2001 жылдан - ҚазМЗУ Ұлттық құқық және мемлекеттік қызмет институтының директоры; «ҚазГЗУ» АҚ директорлар кеңесіні төрағасы.
2008 жылдан бері - «ҚазГЗУ» АҚ Директорлар кеңесінің төрағасы.
«Құрмет белгісі» орденімен, ҚР Президентінің Алғысымен марапатталған. ҚР Прокуратурасының Құрметті қызметкері. 3-ші сыныпты мемлекеттік әділет кеңесшісі.