Аманбек Мырзахметұлы Рамазанов
Аманбек Мырзахметұлы Рамазанов 1953 жылы 24 қаңтарда Шығыс Қазақстан облысында дүниеге келген. Новосібір инженерлік-құрылыс институтын, Абай атындағы Алматы мемлекеттік институтын бітірген.
1976-1979 жылдары - Шығыс Қазақстан облысының Қаратал кеңшарында бас инженер-гидротехник, «Востокмашзауыт» инженер-конструкторы. 1979-1981 жылдары - Новосібір инженерлік-құрылыс институтының аспиранты, кіші ғылыми қызметкері. Өскемен құрылыс-жол институтында ассистент, аға оқытушы, кафедра доценті. 1981-1996 жылдары - Шығыс Қазақстан облысы әкімі аппаратында бөлім меңгерушісі, экология мәселелері жөніндегі бас сарапшы. 1996 жылы - бірінші шақырылған ҚР Парламенті Мәжілісінің депутаты, Экология және табиғат пайдалану мәселелері комитетінің мүшесі. 1999-2002 жылдары - ҚР Табиғат ресурстары және қоршаған ортаны қорғау министрлігінің Су ресурстары комитетінің төрағасы. 2002-2004 жылдары - ҚР Парламенті Қаржы және бюджет комитеті хатшылығының меңгерушісі. 2004 жылғы желтоқсаннан бері ҚР Парламенті Мәжілісінің Экология және табиғат пайдалану мәселелері комитетінің қызметін қамтамасыз ету бөлімінің меңгерушісі.
«Ерен еңбегі үшін» медалімен марапатталған.
