Алпысбай Ыбырайұлы Тұрсынбеков
Алпысбай Ыбырайұлы Тұрсынбеков 1968 жылы 27 қаңтарда Маңғыстау облысы Ералиев ауданы Ералиев көшесінде (қазіргі Қарақия ауданы, Құрық ауылында) дүниеге келген. 1975 жылы Ералиев ауданындағы №6 орта мектепке 1 сыныпқа барып, осы мектепті 1985 жылы бітірді.
Мектептен кейін ПМК - 1201 құрылыс мекемесінде 7 ай ағаш шебері болып жұмыс жасады. 1986 жылдың мамыр айында әскер қатарына шақырылып, Киев облысы Новые Петровцы поселкесінде “27309” әскери бөлімінде (ПВО) оператор болып әскери борышын өтеп, сержант шенінде 23 мамыр 1988 жылы қызметін аяқтады. 1988-1993 жылдары Алматы қаласындағы әл-Фараби атындағы Қазақтың Мемлекеттік Ұлттық университетін “құқықтанушы - заңгер” мамандығы бойынша күндізгі бөлімінде оқып, бітірді. Қазақстан Республикасы Бас Прокурорының жолдауы бойынша 1993 жылы Қарақия аудандық прокурорының көмекшісі ретінде жұмысқа орналасып, қазір Бас көлік прокурорының бірінші орынбасары қызметін атқаруда.
