Әбдіжапар Жұманұлы Сапарбаев
Әбдіжапар Жұманұлы Сапарбаев 1954 жылы 5 желтоқсанда Оңтүстік Қазақстан облысы Сарыағаш ауданы Жылға ауылында дүниеге келген. 1978 жылы ҚазМУ-ді тәмамдаған. Ғалым, экономика ғылымының докторы (1995), профессор (1997). Еуразия және Халықаралық экономика академиясының академигі.
1983-1986 жылдары Украина ҒА-ның аспирантурасында оқыды. 1989-1998 жылдары Алматы технология институтында доцент, Маркетинг және коммерция кафедрасының меңгерушісі, 1998 жылдан проректоры. 1999-2004 жылдары Алматы экономикалық университетінің бірінші проректоры, ректоры. 2004-2005 жылдары Қазақ мемлекеттік ғылыми-техникалық зерттеу институты директорының орынбасары. 2005-2008 жылдары – Алматы гуманитарлық-техникалық университетінің ректоры. 2008 жылдан Қайнар университетінің ғылыми жұмыс жөніндегі проректоры және Экономикалық зерттеу институтының директоры.
