Абай Бөлекбайұлы Тасболатов

Абай Бөлекбайұлы Тасболатов 1951 жылғы 21 қыркүйекте Солтүстік Қазақстан облысы Ленин ауданының Николаевка селосында дүниеге келген. Алматы жоғары жалпы әскери командалық училищені, М.В. Фрунзе атындағы Әскери академиясын, Ресей Федерациясының Бас штабы Әскери академиясының Жоғары академиялық курсын бітірген. Әскери атағы-генерал-лейтенант. Тарих ғылымының докторы, профессор, Қазақстан Республикасы Ұлттық жаратылыстану ғылымдары академиясының академигі, Ресей Федерациясы Әскери ғылымдар академиясының толық мүшесі.
1969-1973 жылдары Ташкент және Алматы жоғары жалпы әскери командалық училищелерінің курсанты. 1973-1975 жылдары Алматы жоғары жалпы әскери командалық училищесінің взвод командирі. 1975-1980 жылдары Алматы жоғары жалпы әскери командалық училищесінің рота командирі. 1980-1983 жылдары - М.В. Фрунзе атындағы Әскери академияның тыңдаушысы. 1983-1986 жылдары - Алматы жоғары жалпы әскери командалық училищесінің тактика пәнінің мұғалімі. 1986-1990 жылдары Алматы жоғары жалпы әскери командалық училищесі курсанттары батальонының командирі. 1990-1991 жылдары Алматы жоғары жалпы әскери командалық училищесі жанындағы запастағы және кадрлық офицерлерді дайындау бөлімшесінің бастығы. 1991-1992 жылдары Мемлекеттік қорғаныс комитеті жанындағы жоғары оқу орындары және әскери емес штаб дайындығы бөлімінің бастығы. 1992-1997 жылдары Алматы жоғары жалпы әскери командалық училищенің бастығы. 1997-2002 жылдары Әскери академияның бастығы. 2002-2006 жылдары Қазақстан Республикасы Қорғаныс министрінің орынбасары. 2006-2011 жылдары Республикалық ұланның қолбасшысы. 2012 жылдан бастап бесінші сайланған Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік комитетінің мүшесі, «Нұр Отан» Халықтық Демократиялық партиясының мүшесі, партиялық тізім бойынша сайланған.
І дәрежелі «Даңқ», ІІ дәрежелі «Даңқ», ІІІ дәрежелі «За службу Родине в Вооруженных Силах СССР» ордендерімен және «За боевые заслуги» медалімен марапатталған.