Білім ұясының ауласында жүрген оның видеосын @shymkent.online паблигі жариялады, - деп хабарлайды Alashainasy.kz тілшісі "Экспресс К"-ға сілтеме жасап.
Шымкент қаласында А.Пушкин атындағы гимназияның ауласында белгісіз ер адам тыр жалаңаш жүрген.
Оқиға 3 маусым күні күндіз болған. Мектеп директорының айтуынша, бұл кезде білім ұясында оқушылар болмапты. Мектеп ауласында жүрген ер кісіні күзетші байқап, дереу ғимараттың есігін құлыптап үлгеріпті. Ал кезекші мұғалім полицейлерге хабарлаған.
Тыр жалаңаш еркек бой тасалап қашып кетпек болғанымен, таяқ тастам жердегі банк маңынан ұсталған.
Шымкент қалалық Полиция департаментіндегілердің мәліметінше, ұсталған еркек Шымкент қаласының тұрғыны.
Психоневрологиялық диспансерде есепте тұрады. Ол бір ай бұрын ауруханадан шығарылған. Бүгінгі әрекетінен соң қайтадан ауруханаға жатқызылды, деді Полиция департаментіндегілер.