Денсаулық сақтау министрлігінің 5 наурызда ұсынған мәліметіне сәйкес, өткен тәулікте елімізде коронавирус инфекциясын жұқтырудың 38 жағдайы тіркелді. Бұл алдындағы күннің статистикасымен салыстырғанда айтарлықтай төмендеу барын көрсетеді, деп хабарлайды Zakon.kz.
Айта кетсек, 4 наурызда ҚР-да коронавирус инфекциясын жұқтырудың 97 жағдайы, коронавирус белгілері бар пневмонияның 8 жағдайы тіркелген болатын.
5 наурыздағы мәлімет бойынша, бүгінгі таңда елімізде 1 726 адам коронавирус инфекциясынан (–1 560+ және 166 КВИ-) емделіп жатыр, олардың ішінде 121 науқас стационарда, 1 605 адам амбулаториялық деңгейде ем қабылдауда.
КВИ+, КВИ- шалдыққандардың арасында:
• 2 адамның жағдайы ауыр;
• 3 науқастың жағдайы өте ауыр;
• 1 науқас ӨЖЖ аппаратында жатыр.