Қазанның 4-і
Алаштың атаулы күні
• 1957 жылы әлемде тұңғыш рет Байқоңырдан жердің жасанды серігі «Спутник-І» ұшырылды. Одан бері қазанның 4-10-ы аралығында бүкіләлемдік ғарыш апталығы атап өтіледі.
• Бүкіләлемдік жануарларды қорғау күні.
Туған күн иелері
Кеңес Жалмұханбетов (1936) – ҚР Жоғарғы сотының отставкадағы судьясы;
Тимур Мыңбаев (1943) – дирижер, музыкатанушы, сазгер, профессор;
Амангелді Жұмабаев (1951) – ҚР Әзірбайжандағы Төтенше және өкілетті елшісі;
Бақытжан Қанапиянов (1951) – ақын, аудармашы, сценарист, Қазақстанның еңбек сіңірген мәдениет қызметкері;
Жолдымұрат Аманбаев (1957) – ҚР Ауыл шаруашылығы министрлігі Әкімшілік қамтамасыз ету департаментінің директоры;
Мақсат Рахметов (1963) – Алматы қалалық кәсіпкерлік және өндіріс басқармасы бастығының орынбасары;
Ақмади Сарбасов (1977) – ҚР Еңбек және халықты әлеуметтік қорғау министрлігі Бақылау және әлеуметтік қорғау комитетінің төрағасы.
Мерейлі күндеріңіз мерекеге ұласып,
мәртебелеріңіз арта берсін!
«Алаш айнасы»
Белгілі есімнің белгісіз сыры
АҚМАДИ – «Мади» сөзі тек араб тілінде ғана өзіндік мағынаға ие. Арабшада «махди» деп айтылатын бұл сөздің қазақшадағы аудармасы «Алланың қалауы түскен», «құрметке лайық» және «аса қадірлі» дегенге саяды. Ал «ақ» сөзі өзіміздің тілдегі түсті білдіретін реңнің атауы. Ел ішінде Ақмади есімділер аз болғанымен, Мади есімін иеленгендер баршылық.