Жол ережесін бұзғандарға айыппұл қалай есептеледі?

Мен енді ғана көлік жүргізуді үйреніп жүрмін. Жол қозғалысы ережелерімен енді-енді танысып жатырмын. Қызықтыратыны – жол қозғалысы ережелері бұзылғаны үшін қанша көлемде айыппұл салынады?
Айдын БЕКЕТҰЛЫ, Астана қаласы
Бүгінде «Әкімшілік құқық бұзушылық туралы» Кодекс пен «Жол қозғалысы қауіпсіздігі тура­лы» Заңына өзгерістер мен қо­сым­шалар енгізілді. Заң норма­ларында автокөлік апатының деңгейін төмендету және алдын алу әкімшілік-құқықтық әре­кетінің тиімді және қазіргі заман­ғы әдісі қарастырылған. Мәсе­лен, бірінші рет жол ережесін бұзу­шылық үшін айыппұл ғана салын­са, бұл жағдай келесі қай­та­ланған кезде айыппұлмен қоса жол қозғалысы ережесі бойынша білімін тексеру жүзеге асырыла­ды. Ал үшінші жол ере­же­сін бұзушы­лық үшін көлік құралын басқару құқығынан айыру көзделген. Альтернативті айып мөлшері шек­телгенімен, көлік құралын басқа­ру құқығынан айыру жағдайының біртұтас мерзімі енгізілуде. Жауапкерші­лікті арттыру шарала­ры да қа­растырылуда. Көлік құ­ра­лын бас­қару кезінде қауіпсіздік белдігін тақпағандығы үшін бес айлық есептік көрсеткіш көлемін­де айыппұл салын­са, көлікті мас күйінде жүргізгені үшін алғаш рет ұсталған адам екі жыл мерзімінде көлік басқару құқы­ғынан екі жылдық мерзімге айыру жазасы қолданылады. Үшінші рет мас күйінде көлік жүргізген адам 10 жыл мерзімінде көлік жүргізу құқығынан айыры­лады. Белгі­лен­ген жылдамдықты жоғарылатқан­дығы үшін 5-тен 15-ке дейінгі айлық есептік көр­сеткіш көлемін­де айыппұл салы­нады. Көше қиылысын жүріп өту бұзушылығы үшін 5 және қайта­лан­ған жағ­дайда – 15 АЕК айып­пұл төлеу міндеттелсе, жолдың қарсы бағы­тына шығып кету ере­же бұзу­шы­лығы үшін 15 АЕК және қайталан­ған жағдайда жүргізуші көлік басқару құқығынан айыры­лады.