Үш ішекті домбыраның артықшылығы неде?

Қазақта екі ішекті домбырадан бөлек, үш ішекті домбыра бар ғой. Оның қандай ерекшелігі бар? Және ол домбыраны тарихта кімдер тартқан? Бүгінгі таңда орын­даушылары бар ма?
Еркежан СЕЙІТҚАЗЫ, Ақмола облысы
Үш ішекті домбыра – көне түркі фольк­лорлық аспабы. Үш ішекті болған соң, екі ішекті домбырадан үндестігі артық. Ас­тыңғы мен ортаңғы ішектер оң бұрауда (кварта), ортаңғы мен жоғарғы ішектер теріс бұрауда (квинта). Үш ішекті аспап қазақ, қырғыз, моң­­ғол, алтайлықтарда бар, әсiресе, Алтай-Тарбағатай аймағында көп қол­данылған. ХІХ ғасырда Семейдің Шың­ғыстау өңірінің өнер­паз­дары, Абай­дың ай­на­ласындағы ақын, шә­кірттері тарт­қан. Абай­­­дың өзі тартқан үш ішекті домбыра Жи­­дебайдағы қорық-мұ­ражайда сақтаулы. Еліміз Тәуелсіздік алған тұста Елбасымызға бата берген қария Шәкір Әбенов те үш ішекті домбырада ән салып, айтысқан.
Жоғалып бара жатқан көне аспапты 60-жылдары қайта жаңғыртып, тудырушы күйші, өнертанушы ғалымдар Болат Сарыбаев, Жар­қын Шәкерім. Ол кісілер үш ішекті домбыраға арналған көне сарындарды өңдеп, күйге айналдырған. Бұл аспапты меңгерген шәкірт­тері де бар.