Үндістанның бейбіт жолмен тәуелсіздік алуына Толстойдың қатысы бар ма?

Үндістанның соғыссыз, бейбіт түрде тәуелсіздік алуына Л.Толстойдың қатысы бар деген әңгіме қаншалықты қисынды?
Қайрат, Жамбыл облысы
1908 жылы Лев Толстойға үнді­нің революцияшыл қайраткері Та­рак­нат Дастың атынан Үндістан­ның тәуелсіздік алуы үшін «не істеу ке­рек» деген мазмұнда қолдау іздеген хат келеді. Соған орай Толстойдың «Үндіге хат» деген жауап хаты Free Hindustan журналында басылып шығады. Толстой үшбу хатында: «Ан­глия­ның отарлық құрсауынан тек Отанға деген сүйіспеншілік ар­қы­лы бейбіт, қарусыз түрде тәуел­сіздік алуға болады» деген ой-пікір біл­ді­реді. Толстойдың «Құдай пат­ша­лығы – өз жүрегіңде» деген ма­қа­ласы Оңтүстік Африкада азат­тық жолындағы күресті бас­таған Ма­хатма Гандидің саяси көзқарас­та­рына зор ықпал етеді. Толстойдан бас­тау алған азаттық үшін бейбіт, қарусыз түрде күресу идеясы М.Ган­дидің өмірлік ұстаны­мына айналып, 1947 жылы Үндістанның тә­уел­сіз­дік алуына қол жеткізеді.