Тәуелсіздікке қатысты жаңа фильмдер түсіріле ме?

Тәуелсіздікке қатысты Қалдыбай Әбеновтің «Аллажар» фильмі бар. Енді Тәуелсіздікке, Желтоқсан оқиғасына қатысты қандайда бір фильмдер түсіріле ме?
Дәурен Ермекбайұлы, Алматы қаласы
Дидар АМАНТАЙ, Ш.Айманов атындағы «Қазақфильм» ки­нос­ту­дия­сы­ның бас редакторы, жа­зу­шы:
– «Қазақфильмде» түсіріліп жат­қан фильмдердің барлығының Тә­уел­сіздікке қатысы бар. Өйткені оның барлығы – Тәуелсіздіктің ар­қа­сын­да дүниеге келіп жат­қан туын­­­ды­лар. Бүгінге дейін «Қа­зақ­фильмде» Жел­тоқсан оқиғасына қа­тысты үш фильм түсірілді. Оның бірі – Қал­дыбай Әбеновтің «Алла­жар» көр­кем фильмі. Екіншісі – Қа­лықбек Са­лы­қов­­тың «Любовники де­кабря» фильмі, үшін­шісі – Талғат Те­меновтің «Бе­гущая ми­шень» фильмі. Бұл аз емес. Алда, құ­дай қа­ласа, сце­на­рий­лердің түсуіне қа­рай бұл та­қы­рыпты тағы да қа­рас­ты­­ра­мыз деген ой­дамыз. Мен өзім де 1986 жы­лы қа­қаған қыста Жел­тоқ­сан оқи­ға­сы­на қатыстым. Сон­дық­тан бұл күн – мен үшін да аса бір қым­бат күн. «Қа­зақ­фильм» бо­ла­шақта мұндай фильм­дер­ді тү­сіруді, сондай-ақ Тә­уел­сіз­дік­тен ке­йін­гі жылдардағы жүріп өт­кен жол­дарды да назардан тыс қал­дырмайды. Оның барлығы да та­рихта алтын әріп­­тер­мен жазылатын бо­лады. Өйт­кені қа­зақ үшін Тәуел­сіз­дік­тен ас­қан мақсат, мұ­рат, мүдде жоқ деп ой­лаймын. Тә­уел­сіздік – қа­зақ үшін ең бірінші үлкен құн­ды­лық.