Тәуелсіздігі танылмаған мемлекеттердің одағы бар ма?

Тәуелсіздігі мойындалмаған мемлекеттердің одағы бар деп естіп едім. Ол қандай одақ және оған қандай мемлекеттер мүше?
Қанат АРМАНҰЛЫ, Алматы

Тәуелсіз мемлекет ретінде мой­ын­далмаған мемлекеттер­дің одағын құру идеясы 1992 жы­лы туғанмен, тек сегіз жыл өткен­нен кейін жүзеге асты. Бұл одақ­тың құрылғанына да он жылға жуықтады. 2000 жылдың 20 қарашасында Тираспол қала­сын­да Абхазия, Таулы-Қара­бақ, Прид­нестрлік Молдава және Оң­түс­тік Осетия республикала­ры мойындалмаған мемлекеттер ода­ғын құруға келісті. «СНГ-2» деп аталатын құрылымның үнемі жұ­мыс істейтін сыртқы істер министрлер кеңесі және сарапшылар деңгейіндегі консультативті кеңе­сі бар. Алғашында аталған ел­дер­дің басшылары жылына екі реттен бас қосып тұруды ұй­ғарған. Алайда түрлі себептерге бай­ланысты уәде орындалмай жатады.