Таңқурай - құрамында А, В, С дәрумендері бар құнды жидек. Жұмысы жүйке тозуымен байланысты, сондай-ақ қаназдық және асқазан-ішек жолдарының аурулары бар адамдарға таңқурай жеу ұсынылады. Бұл туралы Stan.kz хабарлайды.
Таңқурай қызғылт тұқымдасты бұталарға жатады. Жидек ормандарда, өзендердің жағасында өседі және бақтарда өсіріледі.
Таңқурай жидегі екінші жылы пайда болады, бірақ таңқурайдың «ерекше» түрлері де бар.
Таңқурай жаңа піскен әрі мұздатылған түрде тұтынылады. Жаңа піскен таңқурай шөлді қандыруға және ас қорытуды жақсартуға пайдалы. Жидектер әр түрлі шырындар, желе, тосап, шарап, ликерлер дайындау үшін қолданылады.
Таңқурайдың пайдасы
Жидектің құрамында С дәрумені көп мөлшерде болады және термиялық өңдеуден кейін емдік қасиеттерін жоғалтпайды, сондықтан ол - суық тию кезінде көмектесетін таптырмас зат.
Сонымен қатар, таңқурайдың құрамында ыстық түсіретін әсері бар салицил қышқылы бар. Сондықтан таңқурай «табиғи аспирин» болып саналады. Дәрі-дәрмектерден айырмашылығы, жидектер асқазан қабығын тітіркендірмейді.
Таңқурайдың құрамында эллаг қышқылы бар, бұл қабынудың алдын алады және қатерлі ісік ауруының пайда болу қаупін азайтады. Жидектің құрамында калий, магний және антидепрессанттардың көпшілігінің негізгі компоненті мыс бар. Таңқурай тағы несімен пайдалы? Жидектерді тұтыну иммунитетті күшейтіп, тері түсін жақсарта алады. Таңқурай қабынуға қарсы және ауырсынуды басатын қасиеттеріне байланысты асқазан-ішек жолдары ауруларын емдеуге көмектеседі.
Жидектерді рационға қосу тәбетті жақсартып, ми мен жүрек-қан тамырлары жүйесінің тамақтануына оң әсер етуі мүмкін - бәрі таңқурайда кездесетін фруктоза мен глюкозаның арқасында.
Таңқурайдың калория мөлшері айтарлықтай төмен - 46 ккал, бұл оны салмақ жоғалту кезінде дене пішіміне зиян келтірмей жеуге мүмкіндік береді.
Таңқурайдың зияны қандай?
Таңқурай құрамындағы кейбір эфир заттары аллергиялық реакцияны тудыруы мүмкін. Бронх демікпесімен, асқазан жарасы немесе гастритпен ауыратындарға таңқурайды көп жеуге кеңес берілмейді.
Сонымен қатар, жидектерді подагра мен уролитиазбен (несептас) ауыратын адамдарға жеуге болмайды.
Сондай-ақ, бүйрек ауруы кезінде таңқурай тұтынбаңыз, себебі жидектер қосымша жүктеме жасайды, олар диуретикалық (несеп айдайтын) әсерге ие.
Жүктілік және сүтпен қоректендіру кезінде таңқурайды көп тұтынбаған жөн - бұл балада аллергия тудыруы мүмкін.