Суық су қауіпті ме, әлде жылы су ма?

Шомылу кезінде суы жылы өзен-көлдерден гөрі суы салқын өзен-көлдерге кетіп қайтыс болатын адамдар саны басымырақ болып жатады. Мұның сыры неде?
Ғалым АРТЫҚОВ, Алматы қаласы
Әдетте шомылу кезінде жылы суға қа­ра­ғанда суық сулы шомылу аймақтары қауіп­тірек саналады. Суық суға түсіп кет­кен адам көбіне 10-30 минут аралығында суық өтіп қайтыс болады. Сондай-ақ суық судағы 5-15 минут қимылсыздық суықтан талуға және өлімге әкеліп соқса, суық судан шығарылып, аман қалғанның өзінде суға кеткен адам жиі-жиі есінен танады екен. Ағзаның мұндай жалпы сал­қын­дауы қатты шаршағанда, ашыққанда және адамның мас күйінде тезірек болатын көрінеді. Физиологиялық ерекшеліктеріне байланысты әйелдер суық суға төзімдірек келсе, ер адамдардың жүрегі 4-5 ми­нут­тан соң-ақ тоқтап қалуы мүмкін. Суық суда клиникалық өлім 30-60 минутқа со­зылса, жылы суда 5-6 минутқа созылады. Тұ­щы суға батқан адам 1-3 минутта, ал те­ңіз суын­да 7-8 минутта қайтыс болады. Сон­­дық­тан суық суда әрбір секунд қымбат са­на­лады.